Ua oo mai i le taulaga masalomiaga o le aisa ma le maruiana e pei ona faamauina ai le aso Lulu 28 Fepuari 2024, sa fa’atino ai le sailiga o fualaau fa’asaina i le maketi i Fugalei e pei ona ripotia mai e nisi o le mamalu o le atunuu.
O le faatino ai e le Matagaluega o leoleo o nafa ma le galuega o osofaiga, o foliga vaaia ia o loo tau mai ai le siitia pea ma le faaauau ona toto, faatau ma faaaoga e tagata Samoa o lea foi laau faasaina.
Ma talu lava ona faatino osofaiga faalilolilo a leoleo e foi ane lava ma se uta o laau faasaina o loo faamili, o isi ua ola lauusiusi ae o nisi o laau ua maea ona utu pepa o lea sauni e faatau pe tulei atu foi i a latou paaga masani.
Ae e leo misi ai foi ma le faitau fia o seleni, e aofia ai ma le tele o laau malosi e le faatagaina i Samoa pe e lei resitalaina i le tulafono.
O nisi osofaiga e maua ai foi ma le anoanoai o fesootaiga ma masini faaonoponei e pei o komepiuta, telefoni anagata, sipika, poo filifili auro.
O vaega uma na e foai atu e paaga masani o le aisa ma le maruiana e fefaatauai ai pe afai ua leai lava se tupe ae ua matuai manao lava iai le loto o le o loo faaaogaina.
O le faatino ai la o le sailiga a leoleo i le maketi i Fugalei i le Aso Lulu o le vaiaso ua mavae, ina ua masalomia le tulei malosi e tupulaga o lea laau faasaina i totonu o le taulaga.
