Mai lava i taaloga, na ta’utino le sui o le pulega o le au soka U17 a Samoa, e le’o o tafafao i Fiti, e leai, ina ua tatou fesiligia le Susuga a Muagututi’a Lavina Siemu, na ia talanoa ai i tapenaga a le au soka filifilia a Samoa.
E 23 le au taaalo lava ia, ae o loo malaga faatasi ai ma le pulega ae ma nai matua mai Ausetalia ma Niusila, o loo o atu foi e lagolago taaloga a fanau.
O le tauvaga lea faavaomalo, a le Oceania Federation Competition OFC i Fiti e 11 isi au faavaomalo o le’a taaalo ai, e saili ai ni ‘au se lua e suia le tatou itulagi i taaloga soka a le lalolagi, o le vega U17 e faia i Peru i le faaiuga o le tausaga.
O tapenaga mamao au soka, na talanoa le suusga Muagututi’a e le’o o e tafafao, o loo o e aumai le le ipu i Samoa, ile ose faataitaiga lelei tele mo nei fanau, le manumalo mai a le Manu Samoa 7 ma le Toa Samoa.
O le Fiji Air ole afiafi ananafi, na malaga atu ai le tusa o le 30 o le au taaalo soka a samoa ma ona lagolago mo lena foi faamoemoe ole OFC i Fiti.
