31 Tesema 2024, Samoa: Na oo mai i Fasitootai le faasologa faiga saofa’i tetele ile vaitau lenei o faigamalologa ua avea ma avanoa ile tele o auaiga ma suli e faatino ai saofa’i.
Ma molimauina ai ananafi, 30 Tesema 2024, le silia ile 30 suafa fou ua faaopopo ile faiganuu a le afioaga o Fasitootai.
O Suafa e aofia ai le Manogiamanau, Lauasa, Timoti, Tunaioloaga, Lapaitagata ma le Afoataga.
Na molimauina e le tamaitai faasalalau Susuga Lilomaiava Maina na auai i lena faamoemoe, le matagofie o le omai faatasi o auaiga i taimi faapenei, e sula le filemu ole Atua ma faatasitasi e ala i faiga saofa’i. Na ia ta’ua foi, ole tele lava suafa o alii na faaee atu iai, ma sina vaega o tamaitai.
Peita’i o lesi vaega mataina , o tagata faigaluega i Apia i ofisa o le malo ma faalapotopotoga tumaoti, na taufa’i sagisagi fiafia uma, na faatofutofusia uma lava e taute se ava ma faamatala o latou piitaga toto ae o gafa tau suli ile aiga ma faafetaia le o suafa faasa’osa’o e tausia le aiga i Samoa.
Na molimauina foi le alo lauiloa o Samoa i fusuaga i lona suafa David Tua, na taute iai le ‘ava mua o le ava o nofo, I lona suafa Afoataga, na ia faafetaia ai le aiga o lona tina ile ‘ava ae ole suafa matai.
O faiga matai ile tatou atunuu o loo faagasolosolo lava ile vaiaso lenei, e oo lava ile vaiaso mulimuli o Ianuari, e faatoa faia ai suafa o le aiga sa Tumanuvao i Poutasi Falealili
