Lipotia i le Matagaluega o Pisinisi Alamanuia ma Leipa, faleoloa ua sii faafuasei tau o oloa ua sikoi i Samoa.
Ua faailoa faalauaitele mai e le Matagaluega o Pisinisi, Alamanuia ma Leipa, ua taulimaina e le Matagaluega le tele o faasea ma atunaluga o le toatele o le mamalu o le atunuu.
E faasaga iai latou o loo faioloa siiatoa ma faioloa faatau taitasi ile vave ona tasii maualuga ai o tau o oloa o loo matuai manaomia e le atunuu ae o loo utiuti pe sioki le sapalaiina maia.
E pei o le suka lea ua savali ile 3 vaiaso o sioki lava, ma ua maitauina ai i faleoloa le faapipii ai o faasilasilaga e na o le tasi se pepa $3tala pe $5tala foi e mafai ona ave, ae o nisi o faleoloa ile taulaga ua matuai leai lava se suka o maua ai.
Peitai ua faamalamalama mai e le Matagaluega o Pisinisi Alamanuia ma Leipa, “O le faatulagaina o tau o oloa, e fua i tau o loo auina mai ai oloa mai atunuu mamao ma pasene faaopoopo o loo faatulaga ai le tau mo oloa siiatoa ma oloa faatau ta’itasi, ua aofia ai le lafoga ma le tau o fela’uaiga”
Ma ua fautuaina foi e le Matagaluega le mamalu o le atunuu po’o le au faatau ina ia lipoti mai i le Matagaluega ia faiga le talafeagai ma tuuina mai pepa faamaonia po’o lisiti o faatauga.
