Talu le taua tele o le saogalemu o taumafa ina’i a le tatou atunuu, pei o le fasi puaa, poo le size two, e iloa ai lava se faiga ‘ai pe a iai se fasi puaa, ma maualuga ai foi se taumafagataga, i soo se aso faapitoa.
Ua ave ai foi ma le faataua a le pulega o le Matagaluega o faatoaga, ma lana aufaigaluega ile saga faamamafa ma faataua i le tatou atunuu, le puipui mai o loiloi, a aiga, poo fagaga foi, mai le faamai o meaituaolo, le Swine Fever ua pipisi ai nei ile lalolagi ma oo mai foi ile Pasefika,
Pei ona toe faataua mai pea e le ofisa o faatoaga i ana polokalame i luga o le Talofa FM Radio Polynesia: “E iai le faama’i o meaituaolo e lei oo mai i Samoa, ae ua aafia ai le Pasefika, pei o Papua Niukini, ma o loo galulue faatasi le matagaluega ma le Quarantine, ma le Soifua maloloina, mo le sailia o meaai, aumai i totonu, ona e tele le avanoa e ono sao mai ai le faamai, faauala mai i meaai tuuapa, pei o aano o puaa.
E mafai ai ona sao mai ile atunuu ma avea ose tulaga e pa’u ai le tulaga o aano meaituaolo i Samoa.”
O taumafa poo faaoso mai atunuu i fafo, o iai le siama : pei o apa sosisi, apa ham, o ham ua faatulafonoina ona aumai i Samoa. o itu uma na o lo o fautuaina ai le atunuu e faaetete pea iai.
E le’o iai se tulaga faatau atu ile aano o meaituaolo a Samoa i fafo, faapena foi i aano o mamoe.
Vagana ai aano o povi lea ua iai le faatanaga e faatau atu ile motu i Sasa’e i lona tulaga faata’ita’i.
Mo le taimi nei, pei ona saunoa le afioga i le Palemia Fiame Naomi Mataafa, o oloa lea ua avatu i Amerika Samoa pei o aano manufasi, poo povi, o loo faia lea i luga ose taulaga e faataitai ai mo se taimi, e mataituina a e le pulega o faatoaga a Amerika Samoa le tumau ai pea ole saogalemu o na oloa ile taumafa .
Ua taumafai ai nei le pulega o faatoaga a Samoa e puipui mai ana meaituaolo mai aafiaga o le faama’i Swine Fever, mo le sologa lelei pea o le agaiga i luma ole tamaoaiga o Samoa i ana oloa taumafa ua agavaa ona maketi i fafo mo tupe mau.
