E le fou le Peresetene ole faamasinoga o Fanua ma Suafa ua iai nei, aua ose faamasino ua tele tausaga o galue ile faamasinoga maualuga a Samoa, Lesatele Rapi Vaai.
E le fou foi le Peresetene lagolago o loo iai nei, Afamasaga Michael Soonalole, ae ose tamalii ua loa foi tausaga o galue faaloia ma sa avea foi ma leoleo.
Peita’i o le toe oo atu o mataupu a nuu ma aiga ile faamasinoga, o Fanua ma Suafa ua faitau tausaga o taatitia, 30 ma sili atu, tausaga o taatitia mai faaiuga a faamasinoga o nofoaiga ua tuanai.
O se tasi lea o laasaga ua mata’ituina nei e nuu ma aiga, ae afioaga , ise faaiuga , ae oni faautaga o pale mai male nofoaiga fou o loo taitaia le faamasinoga o Fanua ma Suafa a Samoa.
Na toe a’e loa faamasinoga o Fanua ma Suafa a le faigamalo o iai nei, ma faasolo loa mataupu apili.
Peita’i ole apili a le afioaga o Levi ma Alamutu i Saleimoa, e agai tonu lava ise faaiuga ua 30 tausaga talu ona taatia.
Ua tusa ole vaiaso talu ona taatia lena talosaga ile faamasinoga.
E ta-lia ai pe talia le toe faia o se suesuega ile faaiuga o iai ole fanua, e manatu Afega, ole latou fanua, ma faatino ai galuega o le suaina lea o le tuaoi.
O se mataupu ua ave foi iai le lologo o Samoa atoa, ise faaiuga fai a le faamasinoga o Fanua ma Suafa. o Samoa.
Talu, e le na’o Upolu o tupu ai ia tulaga, ole toe lalaga atu e apili o faaiuga ua lata ile 30 tausaga talu ona taatitia mai faaiuga a nofoaiga a Faamasinoga ua mavae atu.
