Ua saunoa faalauaitele ai le Minisita o le Matagaluega o le soifua maloloina le afioga ia Valasi Tafito Selesele i totonu o le Fonotaga a le Palemene i le aso ananafi o lea ua tatala le avanoa mo soo se tusitala ma soo se alafaasalala.
E latou te manaomia ni faamatalaga faamaoni o ata ma nisi o tulaga e faamaonia ai le lipotia o vaega o loo faaletonu ma le lape ai le auaunaga a lana Matagaluega.
Saunoa Valasi e ulufale atu i totonu o le Matagaluega o loo matuai faasa lava se tusitala ma se alafaasalalau ona pueina se ata pe faia foi se faamatalaga mai le Matagaluega mo se tala tusia poo se news.
Na afua ona saunoa le Minsita i lea tulaga ina ua fesiligia e le faipule tamaitai o le itumalo o Aleipata itupa i lalo i lana saunoaga
Sa ia asiasi atu ile falemia ile faaiuga o le vaiaso ma fesiligia ai nisi o tausi soifua pe ua iai se siitaga o a latou totogi ma ova taimi, ae na faailoa ifo e le tausi soifua e leo iai me tulaga faaapena o tupu o le mea lava lea na sau ai o loo tumua ai lava.
Peitai na tulai le Minsita ma faailoa i le sui o Aleipata, e le moni lena tala aua ua uma ona soalaupule ma lana aufaigaluega ma faailoa ai o a lava vaega o loo latou silafia e moomia le fia faaleleia i totonu o le Matagaluega faailoa i faipule.
O i latou na e auala ai manaoga ma faaleo siuleo o tagata taitoa tasi i totonu o le Palemene ona felafolafoai lea o manatu ma silasila iai le faigamalo mo se auala e faaleleia ai.
