30 Ianuari, 2025 Samoa – Tala tuliloa: E toatolu tagata ua molia ai nei e leoleo, e sootaga ile pusa oloa mai Amerika, lea na maua e le faata faapitoa a le matagaluega o le Custom poo le tiute ile aso Lulu, ole vaiaso nei, 29 Ianuari, 2025.
I le faatalanoaga a le komesina o leoleo Auapaau Logoitino Filipo ma se vaega o Tusitala ile aso, Aso Tofi, 30 Ianuari, 2025, na ia ta’u ai i Tusitala:
O laasaga uma lava ia o latou galuega, e taumafai e vailiili tonu le ponati poo tagata autu o loo faaauala mai ai fualaau faasaina pei o le 10kilokalama ole aisa, ua maua ile vaiaso nei.
Saunoa foi Auapaau, ile feiloaiga ma tusitala, ole uta sili lea ona tele o fualaau faasaina ua taunuu ma maua e le tiute ma leoleo a Samoa.
O loo faia iai suesuega.
O foliga foi ia ole uta o fualaau faasa na maua i Amerika Samoa, ile tausaga ua tuana’i.
O le uta lea na taunuu i Amerika Samoa, sa tuu e agai mai i Samoa tutoatasi.
E toalua ua molia ma le tamaitai e toatasi, ose tama faipisinisi 70, mase alii o galue ai ma se tamaitai.