E amata ai ile aso galuega laveai i pusa oloa mai le vaa o le gataifale a Niusila le Manawanui o loo goto i gatai ane o Safata talu mai le aso Sa o le vaiaso talu ai.
E tolu pusa oloa lea ua lipotia mai e amata ona taumafai e aveesea mai ma vaega o le sami o loo pa’ulia ai. O lea pusa o oloa tau meaai, ua maitauina e le aumaulu pei ona lipotia mai e le ofisa faasalalau a Niusila he Herald, ua sao iai le sami.
Ua lipoti mai foi le maua ai e le vaa o le gataifale o le malo o Peretania o le tusi faamaumau ai galuega a le vaa .
E le’o iloa pe na faapefea ona maua e malini ole vaa a Peretania le Log Book ole Manawanui, ae o le a tuuina ose tasi le vaega taua o suesuega faapitoa lea ua amatalia nei o le mafuaaga o le mu ma goto le vaa. Ua oo atu foi ile ofisa o le suesuega faapitoa le pusa faapitoa e maua uma ai galuega faatino a le auvaa ma le vaa ma lana gaoiga mulimuli.
Peita’i ua atagia foi i ata mai le aliti tai le mama lemu mai pea o le suauu, mai le tasi o tane suauu o le vaa, peita’i e le’o mafai ona iloa se mama poo se suauu tafea ane i le gataifale o nuu tumatafaga o Samoa.
Ona o loo tafea ile au agai atu i Saute sisifo nai suauu.
Ma e le’o molimauina foi se faaleagaina o le aloalo ae o togatogo ile taimi nei talu ona goto le vaa, molimauina, e leai se suauu e oo ane i uta i le aloalo, .
