Ua mafai e le Matagaluega o Leoleo ona saili lava e latou le foma’i su’esu’e faapitoa , e faia taotoga faasolitulafono o tino maliu mai maliu lilo.
Na famaonia mai e le Afioga i le Sui Komesina, Susuga Papalii Monalisa Keti e fa maliu lilo o loo taofia tino ile falemaliu ole Tupua Tamasese Meaole i Motootua.
Na ia ta’u i le au faasalalau, sootaga a le Matagaluega, o leoleo ma Falepuipui, i leoleo a Fiti, mo se fomai suesue faapitoa mo Samoa.
O Iuni o le tausaga nei lea na talanoa ai le Komesina ole Matagaluega o Leoleo, afioga a Auapaau Logoitino Filipo, na ofo mai ele Komesina o le Matagaluega o Leoleo a Fiti e latou te fesoasoani mai ise fomai suesue faapitoa ise taimi e mana’omia ai e Samoa.
Ole taimi foi lena na maua ai se feiloaiga a faaulu ole Matagaluega o Leoleo a Fiti, ma faaulu o le Matagaluega a Leoleo a Samoa, ile faaleleia lea poo le atina’eina o le Suesuega faaletulafono ae o maliu lilo.
