Ua i lima o leoleo le tama’i fana o masalomia o le a’upega lea na maliu ai le tamaitai leoleo 31 tausaga le matua.
Ole tamaitai leoleo lea ua silia ile fa tausaga talu ona galue ile Matagaluega o leoleo pei ona faamaonia mai e le afioga ile Komesina Auapaau Logoitino Filipo ina ua tatou fesiligia.
Peita’i ua taofia ai foi e leoleo le alii o Edward Fanueli i lona moliaga o le fasioti tagata e sootaga ile maliu o lana paaga leoleo ia Mele Lapana ile po o le AsoToonai a’o lumana’i le Kilisimasi i Aleisa.
Ua taofia Edward e faatali ai le masina fou e tali ai i lona moliaga i luma o le faamasinoga.
Ile tali mai a le Komesina, e le’i faigaluega le tamaitai leoleo ile tami na tupu ai le faalavelave, na manu’a ai lona ulu mai se pulufana ma maliu ai.
Ua le gata ina fai kilisimasi ae ua alu atu ai ma le tausaga fou, le alii o tuuaia ma taofia ai i lalo o le vaaiga a leoleo i Tanumalala.
Saunoa le Komesina, o se tasi lea o mataupu tau sauaga i totonu o aiga, ua maliu ai le tagata. O se mataupu faanoanoa ona o le tamaitai ua aafia le soifua ua silia i le fa tausaga o galue i totonu ole Matagaluega o Leoleo.
