Maua le avanoa o le Manu Samoa 7 i le Olimipeka 2024

SHARE NOW

Ua mautinoa lava le maua o le avanoa o le Manu Samoa taitoa 7 e malaga atu ai i Pale Farani mo le Olimipeka o le tausaga 2024.

I le maea ane ai o ana taaloga o le Oceania sa faamaea aloaia i le Aso Sa na tea nei, ma faamaonia ai le leai o sana taaloga na faiaina ai mai ana taaloga e 7.

O ia taaloga e aofia ai le la taaloga ma Cook Island 0: Samoa 44, manumalo foi ia American Samoa 0: Samoa 52, sosoo ane ai ma Solomona 0: Samoa 50, na faatoilalo foi e le Manu Samoa Tuvalu 0: Samoa 36 ma PNG 0 : Samoa 24

O taaloga nei a le Oceania sa faia i Brisbane Ausetalia na amata mai le masina o Novema i le aso 10.

Ma ua faamauina o Samoa, Fiti, Niusila ma Ausetalia atunuu ua mautinoa le saofaga atu mo taamilosaga o le Olimipeka o le tausaga fou 2024.