Ole afiafi ole aso e taunuu mai ai le au taaalo tietie uila vilivae a Samoa. Mai le sailiga siamupini a le lalolagi na faia i Ausetalia ile vaiaso talu ai, 18-25 Setema.
O le mataina o le au a Samoa, o le uma faatasi lava ma taunuu i le tino. e iai isi ‘au e le’i uma , pe oo foi ile tini. O le mitamitaga i le alii faiaoga, Bernie Poort, ile taua o le galue i tagata taalo ta’itoatasi, ia aumai uma i fafo lona naunau ile taaloga i le mea e gata ai.
Aua o sailiga siamupini o le lalolagi, e tumu i tagata faasalalau, ma le faitau afe ole au matamata i soo se minoi ete faia, e alu vale lou malosi pe’a e fefe, ae faaaoga le malosi mai tagata matamata e una’i ai le viliga ole uila ile mea e gata ai. O lesi talanoa a le faiaoga, o le tuu i mafaufau o le au tietie, o latou e malo. Leai se avanoa mole ana iloa lava, ana faapea foi, mana’omia se uila sili atu, leai, ole taunuuga lava e tulituli.
A oo uma ile tini, ua maua foi le tatou ai. O le taimi muamua lea o Samoa, ae o le avea ai foi o Samoa ma sui o isi motu o le Pasefika ilea foi tuuga sailiga siamupini a le lalolagi.
Na ta’ua e le alii faiaoga, Bernie Poort, na’o le lima vaiaso na tapena ai le au, maua loa le avanoa ma faaaoga, e faatasi ile olaga ona maua se avanoa.
O au uma lava ia na taututuu ma Samoa, e tai tausaga o kolegi latou au. Ae o Samoa e fou mea uma, ae ole talenia o tatou tagata taaalo ma faaauau lava ona koleni, e faasolo ina sili atu.
Ae ole tele o au na kolegi lava i le 500 + km i le vaiaso , ao sauni atu i le tuuga. Ae ole tatou ‘au, masalo faatoa maua lava le numera lena i nai vaiaso na kolegi ai.
Mai le 16, na tulaga 16 le tatou au, ole tulaga lava lenei na manatu tatou te maua. Sa faapea foi isi e le maua e Samoa le amataga o le tuuga, ma oo mai ile tini.
Ae o le agaga ole galulue faatasi, ma le fesoasoani a’i o le au i luga o le malae, ma uma le latou tuuga, ole vaaiga uiga ese lena na iai i luga fesootaiga televave, o le salalau o le tala ile amata e Samoa o le tuuga ma tini.
Na ta’ua e le alii faiaoga, Bernie Poort , ose taunuuga sa sili ona mimita ai. Ma ua avea le tini ole au a Samoa i le tuuga, ua maua ai foi lona avanoa i le tuuga o le tausaga fou, ma o le’a lava ai se taimi mo tapenaga. E fetaui ma au mai Europa.
O tama na e tietie i uila tai $20-$30afe talaAmerika. Ole au a Switzerlani na manumalo siampini o le lalolagi, i tuuga uila o le 2022.
