Ua taofia nei e le Matagaluega o leoleo se alii 38 tausaga le matua mai le afioaga o Malie, ina ua maua e sootaga i le faalavelave tau taavale na maliu ai le tagata nuu o Saina.
O le faalavelave lea na tulai mai i le masina ua mavae i aso 24 i le vaveao o le aso Sa, ma atoa ai le vaiaso o tau saili pea, ae o lea faatoa maua.
O le faalavelave lea na tulai mai i Vaitele Street, e latalata ane lea i le pamu penisini a le CBM i Vailoa, ma masalomia ai le ituaiga taavale o le Getz lanu paepae.
Ma faasilasila faalauaitele mai ai e le Matagaluega o leoleo i le aso na sosoo ai, e lei oo atu lava ni faamatala e faatatau i lenei faalavelave ma le tagata na faafoeina le taavale na mafua ai le maliu o lenei tagata nuu o Saina.
Na talosga mai foi le Matagaluega o leoleo i le mamalu o le atunuu ia pulupulu lima faatasi e fesoasaoni atu i lo latou foi galuega e ala lea i le tuuina atu o faamatalaga e sootaga ma le faalavaelave o taua i luga.
Ua lua ai nei faalavelave tau taavale ua tau sailia faamatalaga, o le tamaitai Saina lenei ma le alo ia Tuuau lea ua 2 ma le afa tausaga o tau sailia lava le taavale ma le tagata na ave ina le taavale na afua ai le maliu.
