Na tatou asia faatoaga i gauta o le atu Faleata, lea ua mautu auala galue na sua e le malo.
Ma vaevae eleele galue i gauta o Faleata mo aiga o afioaga o Faleata e glulue ai.
Peita’i ona o le latalata ma ui gofie o na faatoaga, ma ua lelei auala, ma oo iai taavale, ua iai foi ma le fili.
Na molimauina ai e le faifaatoaga na tatou asia ile faaiuga o le vaiaso,
“Ole fili numera tasi o latou faatoaga, o tagata gaoi.
“E leai ni puaa aivao o aia lona ma’umaga, ae o tagata gaoi ma’umaga lea ua matua fiu ai lava ia e toto.
I lana ia metotia, ua silia i le tolu tausaga talu ona fai lana faatoaga o talo, taamu, ufi, fa’i ma fualaau aina.
“Ole fuli e toto, ae tiga lona loto ona , o le fafai a le tagata gaoi, e pei lava ole faiga a le puaa aivao.
“Afai ole toaga talo o le’a se’i , e a-sa lava, na’o le se’i ma taatitia i lalo uli ose talo ua se’i ese.
“Afai ose aufa’i Samoa ua leva ona faapolopolo, e na’o le ta-tu lava ole aufa’i ae tuu mai le ogafa’i (ma ia.)
O le tiga tele o lea faifaatoaga, le susuga a Lavasa Salafai, ona e leai se togafiti o le tagata gaoi, vagana ai puaa aivao ua maua le togafiti.
Peita’i o lana tala, o le ‘a fai lana tui vailaau oona.
E faavailaau uma ai lava le vaega o lona ma’umaga o loo ola lelei, na’o le tui lava o le aano o le talo ile vailaau, ona tuu ai lava lea o le pito lena e nate le fafaia.
E oo foi i taamu, ufi ma aufa’i, ole faiga foi lena o le ‘a fai iai.
O le tui o fa’i, e na’o le pau lena ose togafiti, mo le tagata gaoi, ole tui faavailaau o le itu o lona ma’umaga, taamu, fa’i , ma le toga ufi, .
Talu ai e leai se togafiti a le matagalega o faatoaga mo le tagata gaoi ma’umaga, o lana ia lena togafiti, ina ua vaai atu, e atili ai le gaoia o lana faatoaga, ile fuli e faatele mea toto.
