12 Tesema 2024: Talu ai, o lea ua toe tolo le aso e tauaofia ai le Palemene, olea vave ai foi ona maua se tali mai le Kapeneta e faatatau ile Vaa fou lea ole faaaoga mo faimagalaga ile atunuu.
Aua ole fuafuaga na iai e tuu le tauaofiaga ile aso 24 peitai o lea ua tuu mai luma ile aso 17 ole vaiaso a sau
E $7.8 miliona tala Amerika le tau o lea va’a fou.
Ma afai ae pasia ele kapeneta o lona uiga ole tausaga fou 2025 ua fuafua e tatau ona aumai ai le va’a o le saunoaga lea a le Minisita Afioga Olo fiti Vaai Afoa ile latou feiloaiga ma le Nusipepa a le Savali.
Ile taunu’uga o le matou malaga lea sa aga’i atu ai i Ausetalia i nai masina talu ai, o le sa’ilia o se va’a fou e fesoasoani i le femalagaiga ale Fa’alapotopotoga o Va’a a Samoa.
O le fa’atupega o lea fuafuaga, o le a fa’atupe lava e le Pulega o Uafu ma Taulaga, o le fa’aopoopo lea a Olo.
O le va’a e malaga i le saoasaoa e 30 i le 35 minute i le va o motu e lua, ma e telē avanoa i totonu o le va’a e fa’aaogaina e le mamalu o le atunu’u femalagaa’i.
E 60 avanoa mo ta’avale o lo’o mafai ona feavea’i e le va’a i le taimi nei, ae e iai le talitonuga o le Afioga i le Minisita, e mafai lava ona ofi ai ta’avale e sili atu nai lo le 60.
“O totonu fo’i i le vaega e alala ai le pasese, o lo’o iai le vaega mo falea’iga.
Ma o Samoa ole atunu’u muamua lea ole Pasefika o le a fealua’i ai lea ituaiga va’a la’upasese pe afai ae taunu’u le miti a le Pulega, e pei fo’i ona fa’aaogaina e Niu Sila ma Ausetalia mo femalaga’iga.
