O le vaiaso lea ua mavae atu lea sa faatinoina ai galuega a le ofisa o Leoleo I Tuasivi I se tasi o aiga o loo I Fatausi Safotulafai ma faamauina ai le maua ai lea o ni taga pepa iila o loo iai i totonu ni pauta papae e masalomia o le fualaau fa’asaina o le aisa fa’atasi ai ma se tinoitupe.
Mai I se pepa o faamatalaga mai luga o le itulau a le matagaluega o leoleo falepuipui ma le ola toe fuataina na latou faailo mai ai lenei galuega I le fale ma latou taofa mai ai loa ma le tama e 53 tausaga le matua o le soifua mai Fatausi Safotulafai mai lenei galuega sa fa’atinoina.
Ae lei leva atu ai foi le isi osofaiga a le ofisa o leoleoi tuasivi I se tasi foi o Avepasi o loo I salafai lea o loo taofia nei e leoleo se alii avepasi lea e 30 tausaga le matua ina ua faamaonia na maua mai ai i totonu o lana pasi ni fuaalaau faasaina i le taimi ao suesue ai, ina ua lipotia mai e nisi o le mamalu o le atunuu lenei alii O loo ia faia nei soligatulafono o lona faatauina lea o nei fuaalaau faasaina I le taimi o ana faigamalaga ma taofia ai I le taimi o suesueega I totonu o lana pasi ma maua ai i se tamai ato sa ia tauaveina ni fualaau fa’asaina o le marijuana fa’atasi ai ma ni tagapepa iila laiti o loo iai totonu ni pauta e foliga mai o le aisa lea sa auina mai foi I luga o le itulau a le matagaluega ma o le taimi nei o loo taofia pea I le vaaiga ale matagaluega e faatali le aso e valau ai lana mataupu a lenei alii e 30 tausaga e mai I le afioaga o Salelavalu.
Na momoli ai le agaga o le fa’afetai i le mamalu o le atunuu o loo fa’apea ona fa’aauau pea lo latou lagolago atu lea i galuega a le Matagaluega ma ale faamoemoe lava ole tafiesea o fualaau fa’asaina mai le aafia ai o si o tatou atunuu aemaise lava le tupulaga lalovaoa o Samoa.
