Ua faamauina le tele o le sao o le ulaula tapaa i le siitia o le faitau aofai o tagata Samoa e aafia i faama’i le pipisi.
Mai le itulau a le Matagaluega o le soifua maloloina, o ta’ua ai le maualuga ua oo atu i le 24pasene alii, o ulaula tapaa , i le faamaumauga o le suesuega o le 2017.
Ua siitai tele lena faitau pei ona lipotia. Ma ua tagai iai le Matagaluega o le Soifua maloloina, i fuafuaga, e faaititia mai ai ile 16pasene ile tausaga e 2030.
O isi atunuu, pei o le Li’o o Malo Europa, Kanata, Niusila, e 5pasene o loo ave iai le latou tapenaga ile tausaga 2035.
Ua maualuga ai foi ma tupe maua a kamupani gaosia tapaa, e ala ile gaosia o isi ituaiga tapaa, pei ole sikaleti uila, poo le Vabe. Lea ua tele tamaiti aoga, ua molimauina mai e le Matagaluega , ua latou ulaula ile sikaleti uila lea, ua ose popolega ona o le siitai ole faitau o fanau aoga ua latou ulaula ai.
I le fono a atumotu ole Pasefika, e aofia ai le Cook Islands, Fiji, Kiribati, Palau, Papua New Guinea, Samoa, and Tuvalu, na amanaia ai le lipoti a le WHO FCTC .
Ma galulue ai nei ile auala faifaatasi, e faaititia ai le feoti vave o tagata, mai le ulaula, ma le faaaogina o isi ituaiga sikaleti e aofia ai ma le sikaleti uila, poo le vabe.
