Ua tatala aloaia nei le lala fou o le Faletupe o Atinae a Asia i totonu o le Faletupe tutotonu o Samoa i lona fogafale lona 5.
i le pepa o faamatalaga o loo manino ai o Samoa o le tasi lea o sui faavae a le faletupe a Asia talu mai le 1966 ma ua silia ma ua faamauina e oo atu i le $484.3 miliona le aofai o le fesoasoani a lenei faletupe mo Samoa.
Ae leo ta aofai ai le tele o atunuu o le Pasefika ua mafai ona fesoasoani atu iai le faletupe o Asia, pe tusa lea ma le $320.61 miliona.
Ae i le saunoaga faapitoa a le Afioga iā Lautimuia Afoa Uelese Va’ai, o le Minisitā o le Matāgaluega o Tupe, na ia fa’ailoa manino ai i le Sui Peresetene iā Scott Morris, talitonu o le a fa’aauau pea le agalelei a le A.D.B. mo Samoa ma atunu’u uma o le Pasefika, e ala i le itu tau malosi’aga fa’afouina, ‘ele’ele ma le gataifale, femalagā’iga, galuega tetele, soifua mālōlōina ma fa’alavelave fa’alenatura.
O lea galuega tele sa feagai ma le Kamupanī Konesale a SUCON, e ala i le mamanuina ma le tusia o le ata, ina ia telē le avanoa mo le Ofisa auā ana galuega fa’atino, ae fa’apea fo’i ma le atagia ai o va’aiga fa’aSamoa moni i totonu o lea lava Ofisa.
