O le aso Tofi ole vaiaso nei e malaga ai le Manu Samoa i NIusila e tapena ai lana malaga mo le itulagi i Matu, Northen Hemisphere.
E tolu taaloga e fai ai, pei ona saunoa Vaovasamanaia Seilala Maupusua, o le faiaoga o le Manu Samoa ise faatalanoaga i luga ole Leitio Polenisia:.
Na ia ta’ua ai, “ua matua malosi lava le au ua fili mai, e toa valu tama fou o iai, na sao mai ile Manu Samoa, 12 tama na o i le PNC, ia Iulai, 18 tama na faatoa o mai ile Manu i le tausaga lenei, 2 tama taaalo mai Samoa, e aofia ai Joe ma Sepulona.
E to’a 3 ua ui mai le suiga o le tulafono eligibility, 2 sa taaalo i le All Blacks, Steven Luatua ma Allen e taaalo la’ua ia i Europa. Ma le alii o Talalelei Grey sa taalo i le 7 a Ausetalia, ae a sau ai nei i le Manu Samoa.”
O le susuga Vaovasamanaia, o le faiaoga ulu o le Manu Samoa 15 e ese mai le Manu Samoa 7, o loo faiaoga ai le Susuga Muliagatele Brian Lima.
Peita’i o le taaloga muamua a le Manu Samoa 15, ma Italia ile aso 5th Novema. Taaloga lona lua ma Georgia 12th Novema ma le Taaloga lona tolu ma Romania 19th Novema.
