29 Novema 2024 O se tala fiafia mai ile Aoga tulaga a Vaipuna Primary School le tatala aloaia ai o se tasi o a latou galuega poo le latou hall fou ao faasauni atu ai fanau aoga aua laugatogi o lenei foi tausaga
O lenei atina’e fou o le a faia se sao taua i galuega fa’ale-a’oa’oga i aso ta’itasi mo le a’oga ma sa fausia e ala i le galulue fa’atasi a Matua ma Faiaoga (PTA), Itumalo, ADRA, faapea ai ma le Afioaga o Faleapuna.
I faamatalaga faalauaitele mai ile Nusipepa a le malo poo le Savali I taualumaga o le vaiaso ua tuanai atu e oo atu ile $389,000 le tau atoa o le Hall e aofia ai ma le toe faaleleia o le faleaoga.
O le vaevaeina o tau tau tupe o le poloketi;
- $24,000 PTA
- ole fesoasoani mai ile ADRA e $65,000
- Nofoaga Autu o Atina’e Itumalo $160,000
- ma le fesoasoani a le Afioaga $140,000
Ma o foai uma nei lea na fesoasoani ai ile faatupega ole fausiaina ole Hall a lenei aoga tulagalua.
O le saunoaga autu na fofogaina lea ele Minisita Lagolago o Aoga ma Aganuu Afioga Agaseata Valelio Tanuvasa o ia lea sa fai ma sui o le Malo o Samoa, e faafetaia ai i latou uma sa faia a latou sao I lea galuega ina ia mautinoa le ausia o lea atinae.
Ma fa’afetaia le Pule A’oga ma le aufaigaluega i le fa’amaoni ma le onosa’i.
Ole fa’amanatu a le Minisita Lagolago ole Matagaluega I fanau aoga uma ae o matua oloo aooga a latou fanau I lenei aoga tulaga lua ia aoga lenei [fale] ua tatala aloaia mo outou fanau aemaise o a latou aoaoga.
Ma sa ia ta’ua fo’i e fa’apea, o le fa’amoemoe, olea le gata ina aoga tele nei atina’e mo fanau a’oga ae ia avea fo’i ma ‘puna e fa’afailele ma saunia ai ta’ita’i iloga o Samoa, mo a taeao ma le lumana’i.
Ile saunoaga a le Pulenuu ole Afioaga ia Lauvale Poutoa le Atua lona loto faagaeetia ile Mataisili ile lagi ina ua mafai ona mae’a manuia lenei galuega tele na latou naunau e faatino ona ole alofa I fanau lalovaoa ole afioaga.
Ma na ia momoli ai le agaga faafetai ia i latou uma na foai ma le agalelei seleni i le fausiaina o le hall faapea ai le lagolago malosi a le ADRA mai lava ile amataga ole galuega seia oo atu Ilona faaiuga ma na ia fa’amanuia atu ai i tagata uma se Kerisimasi fiafia ma se Tausaga Fou Manuia.
