Ua faase’e ane nei le minisita o eleele i le faipule o Satapuala, Toesulusulu Cedric Schuster.
I faamaumauga, o lesi lea afioaga o loo tele ona eleele o loo finau mai ai ile malo, mo le toe faafoi atu, aemaise ole tauaiga ole faipule ia Toesulusulu, Toesulusulu Siueva, sa tu malosi i lena finauga.
I faamaumauga o Faleata lesi itumalo na finau malosi foi ile malo e toe faafoi atu ona eleele, ma avea ai lona faipule Leaitnuu Wayne Sooialo ma Minisita o eleele, ma ua tele faamanuiaga o Faleata ma ona tagata i eleele ua lisi atu iai e le malo ile taimi nei, e ese mai eleele na toe faafoi atu ia Vaiusu ma Vaigaga.
Taimi nei ua aveese mai le pulega o eleele esetete a le malo lea sa tauavea e le Susuga a Laaulialemalietoa Polataivao, ma ua avatu tasi uma nei eleele ole malo, ile Minisita ia Toesulusulu Cedric Schuster, faatasi ma le tofiga minisita o le faanatura ma le siosiomaga.
