Na molimauina le taunuu o le fuafuaga na afua ai ona faatu le paka mo tafaoga i tua ane o le maota o le malo i le eleele fou.
Ina ua faatumulia atoa ai i le po anapo, mai lava i tagata matutua, e oo i fanau laiti, soo ituaiga o matua , ua tofu lava le tulimanu o le malae ma augatupulaga felanulanua’i. Ole paka lea na fanau mai ile tele o atinae fai i Matagialalua, ma le Poloketi o le Water Front . Na saunoa le afioga i le Palemia Fiame Naomi Mataaafa na amata fuafua mai lava i le 2016.
O le manaoga na iaii le Poloketi lea ina faaoga avanoa o nofoaga faitele ia, ile talafatai mai lava Mulinuu i Taumeasina e matagafie ma fiafia o tatou tagata e agai iai, ma se avanoa i le itu tau pisinisi.
Faatasi ai ma le saogalemu mo tagata, ae o se nofoaga maua ai le sootaga o e gasolo atu iai pei o tagata tafafao, o auaiga ae ose siosiomiaga e fetauai ma le tatou agaifanua o le faauo ma le laumata fiafia.
Faatasi ai ma le saogalemu mo tagata, ae o se nofoaga maua ai le sootaga o e gasolo atu iai pei o tagata tafafao, o auaiga ae ose siosiomiaga e fetauai ma le tatou agaifanua o le faauo ma le laumata fiafia.
I le po anapo e silia i le 300 tamaiti, alii ma tamaitai talavou o matua, tagata matutua, ma tulisi na fai evaga ma tafaoga ile malae o tafaoga. Na mataina le malae taalo o tamaiti, o le avanoa e tietie ai latou uila, ma le vaega faapitoa mo le au roller skating.
Peita’i e ui o le matagofie o ia vaaiga uma le paka anapo, e aofia ai ma togalaau pei o pua taunofo ma pua tausaga manogi, ae na toe aveesea lava le matagofie ile loka o faleui, i totonu o le paka, pei ona molimauina e leoleo o le lotoa. Ua ose tasi foi lena o mafuaaga na vave o ai isi aiga ma tagata tafafao i le fale.
