Ua faamauina ai nei Aukuso 12 2022 i tala faasolopito o faauuga a le Iunivesite a le USP University South Pacific, ma lona ia foi tulaga ese mai ai.
Ina ua faaee aloaia ai le tofiga faa Ao ole Iunivesite a le Pasefika, ae o le Peresetene, ile Faaao o le Malo Tutoatasi o Samoa, Afioga Tuimalealiifano Va’aletoa Sualauvi II.
O le lona 29 a’i lea o Faaao a le USP, ua toe oo mai ai le tofiga maualuga ia Samoa talu mai le silia i le 10 tausaga ua tuana’i. (12).
O le Sui Peresetene o le USP, Professor Pal Ahluwalia sa fai ma fofoga ole sauniga ole faauga ile aso Faraile, 12 Aukuso 2022. I le Maota o Tupulaga Talavou a le EFKS i Sogi.
Ma molimauina ia le faatumulia ole maota atoa, na tapuaia galuega ua mae’a a fanau aoga. Ae o se faauuga foi lea ua faamauina ai le siita’i maualuga o le au faauu, i le tusa o le 270.
Ae ose tulaga foi na siitia ai le taua i lagona i alii ma tamaitai fauu o lenei tausaga,
Ina ua avea ai le Faaao o le Iunivesite, le Ao ole Malo o Samoa, e tauaaoina atu tusipasi ta’itasi o vasega faauu o le 2022.
Ina ua avea ai le Faaao o le Iunivesite, le Ao ole Malo o Samoa, e tauaaoina atu tusipasi ta’itasi o vasega faauu o le 2022.
O le sauniga i tulaga masani ai, na aua atu iai le afioga i le Palemia, Fiame Naomi Mataafa, o le Minisita o Aoga Taaloga ma Aganuu, o malo valaaulia, o le mamalu o matua, aiga ma uo ae le vasega o faiaoga, ma le pulega ole USP Alafua.
