E silia I le 10 matai o le afioaga o Lalovi i Mulifanua, na molia ai e leoleo i le aso Lua o le vaiaso nei.
O molimauina ole aso tonu lea na lau ai le iuga o le faamasinoga a le afioaga o Lalovi Mulifanua, lea na la’u ane ai se vaega o le nuu i le ofisa o leoleo i Faleolo e fai o latou moliaga.
Ua molia i latou nei ile le usitaia o le poloaiga a le faamasinoga. Ina ua toe oo atu le tagi a matai na faatetea ma le faiganuu ma poloaia e toe foi e fai le faaleleiga.
Peita’i o matai lava na sa toe tu ai foi le tootoo e faatete’a ma Lalovi.
E ese mai le molia o matai ole nuu ile solia o le poloaiga a le faamasinoga,
Ae e lei manuia foi le latou finau atu ile faamasinoga, maualuga o Fanua ma Suafa ile vaiaso nei.
E aveese le faalupega ole Faa ao mai le suafa Taimalelagi o Mulifanua, ae suia ile Tapaau tasi.
Peita’i I le faaiuga ale Peresetene ma le vasega o faamasinoga o le Faamaisnoga toe Iloilo Fanua ma Suafa, o loo faatumauina ai lava le faaiuga o lea mataupu, ma faaleaogaina ai le finau atu a alii ma faipule o Mulifanua,
Ae tumau pea le faalagiga o le Faaao o Mulifanua ile Suafa Taimalelagi.
E le’o iloa I le taimi nei se aso e valaau ai le mataupu lea a alii ma faipule o Mulifanua, ua molia ile le usitaia ole poloaiga a le faamasinoga.
