O le faaoogalima a Taumafai Siitia, i lona tei teine, i Amerika Samoa i le masina o Iulai ole tausaga talu ai, 2021, na mafua ai ona oo ile falepuipui i Tafua ma maua ane ai lana nofo faasolitulafono i Amerika Samoa, overstayer.
I tala mai Amerika Samoa, ua toe faafoi le tagatanuu o Samoa i Upolu. ile uma ane ai ona faamaonia lana solitulafono o le faaoolima i lona tei teine faaaoga ai le suo.
Ole toe faafoi i lona atunuu, lesi aiaiga mo Taumafai o lana lima tausaga nofo vaavaaia, pei ona ta’u atu iai e le faamasinoga maualuga a le Teritori ile vaiaso talu ai.
O lipotia e le Samoa News, o le alii nofo faasolitulafono, sa ile falepuipui talu mai le taimi na taofia ai e leoleo ia Iulai o le 2021, ma e lei mafai ona ia totogi lana bond $10afe tala.
Ae o lipotia, o Siitia ma ana uo sa fai le inuga i luma o le fale, ae timu loa o ane ai ile fale o lona aunty, ae le’o iai le aunty i le fale.
O le avea’i a le aunty na ta’u atu iai e lona tei teine , e o i fafo ma le fale, ae ita ai le na molia ma faaaoga le suo e faaooliima ai i lona tei.
E lima tausaga faafalepuipui ma le sala tupe e 5afe tupe Amerika male nofo vaavaaia lima tausaga, na faasala ai ele faamasinoga, ma sa tele lava aiaiga na tuu iai. e aofia ai le falepuipui mo le 20 tausaga i Tafuna e le tatala i tua . Ae alu sao lava i le uafu pe a magalo mo le malaga i Samoa.
