E toa ono matai ma taulelea e toa ono o le afioaga o Lefagaoalii i Savaii na loka ina mai e leoleo i le aso Tofi o le vaiaso ua mavae, na faamaonia mai lea e le Komesina o leoleo i le leitio Polenisia.
Oi latou nei o loo a’afia i le faalavelave e sootaga i se ata video ua pisapisa o ai le toatele, e faapea o le tama 73 tausaga le matua.
Na o latou saisai lima ma ona vae sei tulou ae tui ai le amo ma faatonu taulelea e amo agai le ‘a’ai.
Talu o le tama o loo aafia na ia faia ni lafoga le manuia i le faafeagaiga o le afioaga e aofia ai ma matai, ma tuu maualaloina ai le pulega a matai ma faipule o lea foi afioaga na sau ‘ai mai le amataga.
Na faatonuina lea e le nuu i se faasalaga e faapea ia ta ane le itula e 4 o le afiafi o le aso Tofi o le vaiaso ua mavae ua tu’ua le nuu ma lona aiga.
Peitai e lei usitaia e le tama na aafai lea faasalaga, ma afua ai ona faatino e matai faiupu o Lefagaoalii lea gaioiga.
Saunoa le Komesina ia Auapaau e toatasi lava lea e nofo taofia i Tanumalala ua molia i le moliaga o le taumafai e faaoo le oti ma e tulai i luma o le faamasinoga maualuga i le aso 25 o le masina lenei.
Ao le isi toa 11 e tulai luma o le faamasinoga i Tuasivi.
