24 Tesema 2024 Samoa: Tala tuliloa I le faamasinoga Maualuga , ile va o Maulolo Tavita Amosa, Ututaaloga Charlie Ulia, Fata Roketi, Fata Vaafai Tolutasi o Afega ma le afioaga o Leauvaa.
O le mataupu lea na fofogaina I le aso 19 Tesema ma tolaulau ai le faaiuga a le Faamasinoga Maualuga, Justice Perese, ananafi ma aumai ai le tatou kopi o le faaiuga.
Mai le faamatalaga umi o le mataupu lenei e afua mai fanua o molimauina ai galuega lata mai a Afega ile suaina i luga o pa sima ma pa uaea o fanua o aiga.
Peita’i o le matapu lea i luma o le Faamasinoga Mauluga, ona e manatu Leauvaa e le’o usitaia e Afega poloaiga a le faamasinoga, a’o talia le latou talosaga apili.
E manatu ai le faamasino sili, ua solia e le itu a Maulolo, Ututaaloga , Fata ma Fata le poloaiga a le faamasinoga, o le aso 11 o Oketopa 2024.
Ma o loo folafola foi e Maulolo le faaauau lava ona faataunuu o latou galuega, ma faatupu ai le atuatuvale i tagata ae o meatotino faaleagaina.
Ma ua faatonuina ai nei e Justice Perese, le ave ose kopi o lana faaiuga ile Komesina o le matagaluega o leoleo.
E tagai ile tulafono ole umia o aupega, Arms Ordinance 1960 pe ua solia, ma vaai ile lipoti o le faapapaina o fana, pe ua solia ai le vaega 191 ole tulafono o le Crimes Act 2013.
I lalo o le tulafono lena, ole tagata e solia, ma faamaonia, e iai le faasalaga faafalepuipui, e le sili atu I le 3 tausaga.
mo le tagata na te faatupu pe soesa isi tagata, e ala I le faapapaina o le fana, ose faailoa poo le taumafai e faamalomaloa.
Ua poloaia foi e le faamasino sili, le avatu ose kopi o le faaiuga lava lenei, ile Fofoga Fetalai o el maota, aua o le faaiuga a le faamasinoga faasaga ise tagata, ae o le sui o le Palemene, ua le usitaia le poloaiga a le faamasinoga.
Talu ai e le’o fesligia e folasaga le faasalaga, O lea ua toe faatonu ai e le faamasino sili le mataupu e toe foi atu I le aso 19 o Fepuari 2025, e faia ai lana faaiuga o le faasalaga.
