3 Ianuari 2025 Samoa: Ua folafola faalauaitele mai e le afioga ile faipule o le itumalo o Gagaifomauga 3, Laaulialemalietoa Polataivao Leuatea Fossie Schmidt, ole minisita foi o le kapeneta, ae o le Matagaluega o Faatoaga ma Faigafaiva, le taitaifono o le FAST, ae o le sui tata’i ole vaega faaupufai, o ia o le’a alu i leoleo ile aso, e faataunuu le manaoga o leoleo, i ona moliaga.
E le’o iloa poo a moliaga, sa tatou taumafai atu e telefoni Komesina ole Matagaluega, ae lei manuia. Peita’i ile faalauiloa a le Minisita, ole mataupu lava lea ile maliu o Tuuau Maletino o le Iunivesite aoao a Samoa, talu mai le 21 o Aperila 2021, o loo faia pea suesuega a leoleo, ma agia ane ai suafa o le faipule ua maliu a Gagaifomauga Numera 2, Vaele Sekuini ua tuumalo, ma le faipule o Gagaifomauga Numera 3 ia Laaulialemalietoa.
O tuuaiga lava ia o Laauli ma Vaele na oo atu ai Laauli ile ofisa o leoleo e faaulu lana tagi, faatasi ai ma le faletua o le faipule ua tuumalo ia Tupuola Mati, lea e le’o iloa poo fea ua oo iai.
O moliaga faasaga ia Laaulialemalietoa, e le fou ile faalogo a le atunuu, talu ua lua ai nei vaiaso talu ona opeopea ina ua mama mai i tua faamatalaga ile vaiaso ua tuana’i.
Ae o se vaega lea o le tautinoga a le faipule o Gagaifomauga 3, Susuga a Laauli mai le afiafi ananafi, faatatau i lona oo atu ile ofisa o leoleo ile aso, e faataunuu moliaga faasaga ia te ia, ona o le mataupu lava lea ile maliu o Tuuau Maletino.
Insert:
O le mataupu lenei ile suesuega ole maliu o Tuuau Maletino, o loo taofia ai pea Samuelu Leau, i lona faia o faamatalaga faalumaluma o loo tuuaia ai isi tagata. O loo talia foi moliaga e fia faasaga i le faipule lava o le FAST, ma isi i faamatalaga lava, faatatau ile maliu o Tuuau Maletino.
Ua aafia foi tofiga leoleo o le Susuga Li’o talu lava le mataupu lea.
Ae o folafola e le susuga a Laauli, o le’a logo mai pea le atunuu, ile mataupu o le’a oo atu ai ile ofisa o leoleo ile aso.
