Ua faailoa faalauaitele mai e le matagaluega o leoleo, le mae’a ai o le latou suesuega lea na fai ile amataga o le vaiaso, o le faalavelave faafuasei na maliu ai se tama e 47 tausaga le matua.
O le tasi lena o maliu na amata iai le tausaga fou. Ae o le suesuega a leoleo , ua molia ai nei se alii 21 tausaga o loo masalomia i le fasioti tagata faamoemoeina, fasioti tagata pa’ivalea, o le faaoomanu’a tuga , o le faaoomanu’a ile tino ma le faaoolima.
Ua taofia ai i lalo o le vaaiga a leoleo lea alii 21 tausga, ile falepuipui i Tanumalala, mo lesi tolu vaiaso e talia ai le aso 30 o Ianuari e tula’i ai i luma o le faamasinoga e tali i lona moliaga.
