24 Tesema 2024 Samoa: Ua mae’a le suesuega a leoleo I le mafuaaga o le mu o vaafagota i luga o le uafu i Salelologa.
Sa fai le fono a le komesina ile tusa o le 9:40 ile taeao ole aso, ua le mafai ai ona tali mai ile tatou valaau, mo nisi faamatalaga o le latou sueseuga ile mu o vaa fagota.
Peita’i na ta’u ele Komesina o leoleo ile lipoti a le Samoa Global,
“O le masina o Fepuari 2025 o le a tula’i ai lē ua molia i luma o le Faamasinoga mo Talavou poo le Youth Court..”Maea suesuega
O loo tuuaia se atalii 13 tausaga, ile amataina o le mu, lea na tupu I luga ose vaa fagota na mu muamua ile Aso Lulu 26 Novema 2024.
Peita’i ole malosi o le savili ma le ogaoga o le mu, na sosolo ane ai ma aafia isi vaafagota na pipii atu iai e lua.
E taunuu atu taavale fuimu ma taumafai le galuega, ina ia faasaoina mai ai isi vaa fagota ole tautaulaga vaa na noanoa ai ile pito i sisifo o le uafu i Salelologa.
O le suesuega a leoleo pei ona lipotia ua atofa ai ile masina o Fepuari le faamasinoga o le talavou 13 tausaga lea o loo tuuaia ile solitulafono.
