Ua faitau vaiaso ai nei talu ona taofia I le vaaiga a leoleo se tama talavou e fai lana taavale, ae fai foi lona toa’lua ma lana fanau.
Ina ua molia ese matua ose teine fitu tausaga le matua ile ofisa o leoleo ile aso fa ole masina na te’a nei o Oketopa.
Na faamatala e le tama ole teine talavou, lona faanoanoa tele talu ua faitau masina ona nofo lona afafine ma le fefe ile tama lea ua taofia.
O le faaletonu na tupu I le masina o Aukuso 2024, na faamata’u ai e le tama talavou lea le teine e nate faaoo le oti i matua o le teine pe’a ia ta’u lana solitulafono lea na faia ile teineititi.
Na ta’ua e le tama ole teine, o le tama talavou avetavale lea, e felataa’I lava o latou fale.
E masani lava ona tietie ai le latou aiga i feau fai ma momoli ai foi ia e faigaluega, ae totogi.
Sa faamoemoeina foi ile momoliga o lona afafine 7 tausaga lea mai le falemai i Motootua e ave ile fale ile taimi ole masina o Aukuso.
O le po na alu ai le avetaavale lea e momoli lona afafine ile fale, ma totogi I le 15tala.
Peita’I ole afiafi lena na tupu ai le faaletonu lea I lona afafine ma nana ai lava e le teineititi le faaoogalima mataga a le avetaavale,
Na faatoa ta’u e le teine i ona matua ile aso 4 o Oketopa, ma ia vili ai loa leoleo .
Ma taofia ai lava e leoleo le tama avetaavale lea e oo mai ile aso.
O le aso 11 ole masina nei Novema e valaau ai lea mataupu I le faamasinoga.
