E $80afe tala le tupe a le faletupe o le ANZ, o loo tuuaia ai se tamaitai faigaluega o le faletupe.
Ua i lima o leoleo le mataupu lenei ina ua avatu iai e le Pulega o le ANZ.
Peita’i na ta’u faalaa’i tele mai e le sui Komesina o le Matagaluega o Leoleo , Susuga Papalii Monalisa Keti , i lana feiloaiga ma Tusitala i le Aso Lulu o le Vaiaso nei, Ole tamaitai lea e 38 tausaga ma ua faia iai moliaga faasolitulafono e leoleo ile vaiaso nei ina ua oo atu le faasea a pulega o le ANZ.
O le tamaitai ua tuua’ia pei ona faailoa e le Sui Komesina, e mai ise afioaga i Savaii ma Upolu nei foi, ua molia i le gaoi ao avea ai ma tagata faigaluega.
Ma o loo tatala i tua i tuutuuga faapitoa , e talia ai le aso 12 o le masina fou, TEsema e tula’i ai luma o le faamasinoga Maualuga, e tali i lona moliaga. O loo masalomia e sili atu ile $80afe tala le tupe o loo aafia ise auala faasolitulafono.
