O le utiuti o meafaigaluega faaona po nei, o loo faaoga ile falemai pei o le maota gasegase ole Tupua Tamasese Meaola i Motootua, lesi faaletonu ile Matagaluega o le Soifua maloloina o loo molimauina mai e le vasega o foma’i faapitoa a le Malo o Saina.
Talu ona malaga mai ile masina o Mati ma galulue ai ile falemai tele i Motootua, na ta’ua e Dr Jin Changhao, ole foma’i faapitoa o tina ma tamaitai,
Ae sa mafai ona fesoasoani foi ile itu e ola ai tina ma’itaga ile falemai tele ole TTM Tupua Tamasese Meaole.
Ma ia maitauina ai le mana’omia e lea foi vaega o le falemai, oni mea faigaluega faaona po nei e faatino ai galuega a foma’i. Ae maise o le itu e ola iai tina, pei ona ia tali mai i a tatou fesili.
Ina ua tatou fesiligia i tulaga tau i pepe maliliui taimi e ola ai tina, ini faafitauli na ia molimauina, , ae ole tali a le alii foma’i.
E iai tina e fanau mai a latou pepe ua maliliu, E maliliu lava i totonu o manava o tina a’o lei fanau mai.
O lana tali ina ua tatou fesiligia i le mafuagaa: E iai pepe e fanau mai o loo taai le uso o le pute ile ua, e masalomia o lesi lena mafuaaga.
E iai foi le pepe e maliu ile manava o le tina ona o le faate’ia ole ma’itaga ile taimi ole afuafuaga o le pepe i totonu o le manava.
Na ta’ua foi e Dr Jin, lona iloa ai e silia i le 5 afe pepe e faananau i totonu o le tausaga e tasi i Samoa. E matua pisi lava le itu e ola iai tina, i le maitau a le alii foma’i.
Peita’i ile talanoa a Dr Jin Changhao, e mana’omia ona faaleleia mea faigaluega ile vaega lea o le falemai tele i Motootua, ini meafaigaluega faaona po nei e faaaoga e foma’i.
O loo faamauina , o le falemai tele i Motootua, lea na fesoaosani mai ai le malo o Saina i le tatou atunuu, ma faasolo ai ina aumai ona tagata faapitoa e tufa mai le silafia ma latou fia aoao foi i le galuega faafomai o loo faatino e foma’i i Samoa.
Ua savali ile fa masina talu ona galulue ai i Motootua, mo lesi tolu ma toe foi ai ile latou atunuu. Ae o taua e Dr Jin, i lona faafetaia o le avanoa, ma o lona mana’o ia toe foi mai e galue i Samoa pe a maua se isi avanoa. Ae o lona fiafiaga tele i Samoa o le tamalii o ona tagata.
