Molimau le upu Va’a ile sootaga tagata o le Pasefika

SHARE NOW

Ose faaiuga ole vaiaso tumutumu i le taulaga i Apia, i taaloga o alo ga vaa, faalevaomalo, lea e silia i le 20 au alo, o loo auai, ma mataina le savali faaaloalo, ile taulaga, ilea so, e lata i le itula le umi, a’o lei faasolo atu ile sauniga e tamua ai le faamoemoe.

Ma talosia faapitoa ai o tatou uso ile motu o Maui i Hawaii, o loo feagai ai latou ma aafiaga ole afi sosolo, ua lata ile 40 tagata maliliu.

Na famanatu e le Susuga ile failotu, le silia i le 300 tausaga talu ai, ile taeao faapenei, ma le matafaga faapenei, na alu ai folauga a o tatou tuaa, i le vasaloloa o loo sosoo ai o tatou atumotu, ae lua meleniuma mulimuli ane o loo molimau mai le upu vaa ole sootaga tagata ile gagana, ua iai le upu vaa, waka, vaka, o upu ua taatele ma le moana.

O folauga mai anamua, ua faaauau mai lea sootaga i tagata vaa, ole pasefika, ole sami, folauga mai anamua, vaa e ta’u atu ile lalolagi o tatou talaaga o tatou tagata mai anamua, ole vaa ua tatou soo ai pei foi ona faamauina ile vaa ole pe’a poo le tatau a le alii.

Saunoa foi le failotu,ole taaloga ile tai, e le na’o se taaloga, ua ia faaamausaliina talaaga ole tatou agaifanua, ua tatou mafuta, ai nei.

O tuuga vaaalo, nofoa ono ma le nofoa tasi, sailiga saimaupini ile lalolagi, ua talimalo ai nei Samoa, e faamae’a i le vaiaso fou.