Na tula’i ai le alii sui Komesina o le Ofisa o faigapalota, Afualo Daryl Mapu i luma o le faamasino, afioga Justice Tuala Warren, i le vaiaso nei, Aso Tofi, ma ia tau, o mea uma ia na maua i lona fale, i totonu o le potu o le falealuga, e le’o ia e ana.
Na ia tuuaia lesi tagata e igoa ia Pelepesite, ole alii lea ile molimau a Mapu, e ana , aisa, lavalava, fana , ma pulufana sa maua e leoleo i lona fale.
Na ta’u foi e Mapu i le faamasinoga, e nate le’i popole ina ua maua aisa i le ofuvae, aua nate leiloa poo ai e ona.
Ma nate lei ta’ua foi i leoleo e le’o ia e ana le ofuvae.
Ae nate lei ta’ua foi i leoleo o le tagata lea e igoa ia Pelesite e ana le ofuvae. Ole osofaiga lea a leoleo ile fale o Mapu i Nuu , o loo molia ai Mapu i lona sootaga i laau malosi ma fualaau faasaina na maua i lona fale. ma le ofuvae lea.
Ole ofuvae lea , ina ua molimau Pelepesite o ia e ana, faatasi ai ma pepa aisa nai le taga ole ofuvae.
Na ta’u foi e Pelepesite, o ia e ana fana ni totonu o le potu, e ono laau na iai, ae leiloa e Mapu sa tago nana isi fana i lalo o le moega.
Ole mataupu lava lea na talosaga ai le loia a Mapu e togi fafo talu e le’o fea’ua’utai molimau a leoleo,
peita’i na teena e Justice Tuala Warren le talosaga ma tula’i ai loa Mapu ile Aso Tofi nei, sosoo ane ai ma Pelepesite, ma faauau ai.
Ile molimau a Pelepesite na ia ta’ua ai o ia e ana pepa aisa ma le tele o mea nai i luga o le laulau e aofia ai ma paipa e ula ai le aisa.
Na afea foi i lana molimau, o le taavale sa fealuai ai e faatau ana aisa sa avatu ese alii leoleo e nate faaaogaina.
