Na tula’i Timothy Komiti, e avea ma molimau a le itu a leoleo e faasaga ile tamaitai o Perkin Headle.
O Komiti o lo’o galue ile Matagaluega a Leoleo ma Falepuipui ile vaega o le ICT (Information and Communication Technology), ma o ia e gafa ma le susueina o faamatalaga i luga o le initaneti, i totonu o computer e avea ma faamaoniaga o se mataupu solitulafono.
Peitai I le mataupu o le aso na taua ai e le alii o avea ma molimau na faatonuina o ia e le taitai o le latou IT le susuga ia Inspector Paul Taua’a, e agai luga o le itulau a le o tuuaia ma saili mai se post poo se faamatalaga tusia e faapea “sae le tuasivi” peitai nate lei mafai ona ia maua.
Na taua e Komiti na toe talosaga atu foi Tu’uau e agai luga o le page a le o tuuaia poo le tamaitai ia Perkin Headle ma screen shots mai uma post ma ata o lo’o luga mai le aso 25 Aukuso seia oo le aso 8 Setema.
Ae na ia fautuaina Taua’a e sili pea faaoga le polokalame o le screen recorder ona e fai sina tele o le galuega e fai pea screenshot, ma faapena ai loa ona fai aa fesiligia e le loia o lo’o tulai mo le o lo’o molia le susuga ia Faimalomatumua Mathew Lemisio pe na faafefea ona ia ave le video poo le screen recorder ia Taua’a.
Ae na tali Komiti na te leo manatuaina ma toe tuli tatao atu ai e Lemiso poo ana fea na gata mai ai lana vaai ile screen recorder ina ua uma ona ia ave le copy ia Taua’a; ae tali le Komiti “o ananfi.
Na faasalavei le afioga ile Faamasino afioga ia Alalatoa Rosella Papalii, ma ia fesili ai Komiti po lea sona manatu po’o talafeagai lona toe silasila ile video o lo’o avea ma faamaoniga o le mataupu ae tula’i nei.
Ma o lona uiga o lesi lape lea a le itu tagi ma le latou matagaluega sa tatau ona iai ni tulafono e malu puipuia ai faamaoniga nei i totonu o latou masini e ui o le latou galuega lea.
