E le tau sailia sona ala i malo, ose fauaitau na faaleo ai le faaaloalo a le faipule filifilia o Gagaifomauga 2, i lona tuaa ia Tuu Lolesio, Polataivao Fosi, ma isi o ona tupuaga o loo solisoli mulivai mai ai agai ile palemene o Samoa. ua momoli aloaia mai ai ile aso, 20 o IUni e lona nuu i le malo, a le FAst ua atoa faaopopo ai lesi nofoa ile malo.
Ole tofa a Foisala Lilo Tuu Ioane na manumalo a’ia’i mai i le palota laititi a lona itumalo ile lua vaiaso talu ai, i le uma o le finauga ma isi matai e to’a fa, lua mai SAfune, tasi o Lefagaoalii ma le tasi o Samauga.
Peita’i sa ave tasi le lagoalgo a le FAST i le Susuga Lomia Tauloa Moafanua Siaaga o Safune. E lei manuia ina ua ave le lagolago malosi a Lefagaoalii ma Paia e faatu mai le Tofa a Foisala, ina ua o latou mautinoa o le Tofa a Foisala o loo alu faatutoatasi i lalo o le fu’a a le FAST.
Ole faoa o le tofi ma isi nuu o le itumalo, ua toe pale mai ai nei Lefagaoalii i le nofoa ole itumalo, ua faitau tausaga talu ona motu, i taimi o Feo Nemaia.
Ae na toe sailia se faipule o le itumalo, ina ua tuua le malo e le faipule ole palota tele o le 2021, Susuga Vaele Iona Sekuini ua tuumalo.
Na ia aveesea mai ia Samauga, ina ua le manuia le taumafaiga a le tofa a Sooalo Mene sa ia umia le tofi mole 10 tausaga. Sooalo Mene na ia faoa mai le tofi ia Safuneituuga sa umia ai e le fale SAfune le tofi ile lua foi nofoaiga.
Peita’i ua faalua ai nei ona faamaonia mai e Gagaifomauga 2 lo latou lagolagolagoina o le faigamalo fou, a le FAST ina ua toe manumalo mai nei le faipule filiflilia a le FAST, le tofa a Foisala Tuu Ioane, ole aso e momoli aloaia mai ai e alii ma faipule o le Lefagaoalii le Tofa a Foisala, ma faatauto a lava ile aso fono a le Palemene a taeao, pei ona faamaonia mai e le afioga i le Taitaifono o le FAST, Laaulialemalietoa Polataivao Leuatea Polataivao Fosi Schmidt
