Momoli le o’o o le sui Ao, Le Laulu ile palemene

SHARE NOW

22 Ianuari,2025 Samoa: Ua faamauina ai nei foi i tala faasolopito o le palemene o ananafi, le oo ole afioga ile Le Laulu Mapesone Tiatia Faumuina, i Tiafau.

O le faaaloalo mai le itumalo o Palauli le Falefa , ina ua tofia ai lona tamalii e avea ma sui o le fono a sui tofia o Samoa, poo le tasi o sui ao.

E tolu iai nofoa nofoia e sui ao, pei ona mana’omia e le faavae o Samoa.

Ma faauma ane iai le palemene ile aoauli, ina ua malolo ai ile ta ole tasi, ma faia faaaloaloga o, sua o ie toga tetele , o ta’igasua ma teutusi mafiafia na tauaao atu i faipule o le palemene na iai e aofia ai ma le afioga ile Palemia, taitai o le itu agai, minisita ma faipule o le maota.

Sa iai tuatuagia ole taitai ae o le taitaifono o le FAST, Laaulialemalietoa, na faanatinati atu iai, e le’i auai ile taimi o le faaaloaloga a le afioga ile Le Laulu.

E ono faaauau lena agaifanua i oo o sui ao , ao feiloai ai le fono I lenei vaiaso.