Monkeypox e le’i oo mai i Samoa

SHARE NOW
Ua fitu aso talu ona faalauiloa e le WHO, poo le Faalapotopotoga o le Soifua maloloina o le lalolagi, le avea ai o le faama’i Monkeypox ose Global Public Health Emergency , poo se faalavelave faafuase’i o soifua ile lalolagi talu mai le aso 25 o Iulai 2022.
Ae fitu aso mulimulimului ane, tatala e Samoa ana femalagaiga faalevaomalo i tagata tafafao ma
asiasi mai. Ma toe faailoa mai e le Matagaluega o le Soifua maloloina le Monkeypox pei ona ta’ua i luga mai le WHO.
O ta’ua, o le monkeypox e afua mai se siama e seasea lava pepesi ae a tupu e mafai ona pisia ile latalata ile tagata ua iai le siama ma auga. O lipotia, lata mai nei, ole tele o tagata na pisia i le siama monkeypox ua toe manuia uma lava e lei faia iai ni togafiti, ae sa iai lava ma’i na tigaina.
Ae ui ina laititi ni popolega ile siama lea, pei ona  iai ile taimi nei e maulalo lava lona tulaga pipisi, ae ole faataua lava e ao pea ona ave ile puipuiga. E le’i oo mai le faama’i Monkeypox i Samoa. Ae e ao lava foi ona mataala tagata taitoatasi, pei ona faailoa atu le siama lea, aemaise ai lava ile taimi lenei , lea ua saoloto ai tagata malaga mai Samoa, ina ua tatala ai o ona tuaoi faavaomalo mo faigamalaga.
Ole siama lea Monkeypox o le siama e mafai ona pipisi mai meaola i tagata ma e mafai foi ona pipisi mai lesi tagata i leasi. O auga e masani lava ona alia’e i totonu o le 7-14 talu ona pisia mai le tagata o aafia.
Ma afia ai le tagta i le 5aso, poo le oo atu lava i le 3 vaiaso. O auga e salasala lava o isi e feololo ae faasolo lava ina tigaina ai. Amata mai le fiva poo le vevela, tiga le ulu, maso o le tino, ma fulafula vaega o faamama toto o le tino.
A uma le vevela ona pata mai lea ole tino, masani ai lava o gutu ma foliga, faasolo atu i isi vaega ma fulafula faamamatoto ole tino.  Ae o le pata o le tino poo le rash o le monkeypox, e mumu muamua ae mulimuli ane foliga faapepe, pa’upa’ua ma toulu ese. O matapo’u e mageso ma tiga.
Ua fautuaina le vaai vave ose foma’i pe’a alia’e ni auga ole faama’i. Ua lipotia, o pito tigaina ai lava tamaiti pe’a maua.