E oo lava i fanau sa leai se amanaia e o latou matua ma auaiga, ma avea oni faalumaluma i o latou aiga, ua momoli atu le latou faamanuiaga faapitoa ile atoaga o le 100 tausaga ole Kolisi o Avele, ile vaiaso nei.
Ina ua faate’ia le lotoa o nonofo ma api ai fanau nei sa sauaina ma tuulafoaina , ua oo atu le vaa faaola a le Asosi o tama aoga tuai o Avele mai Melepone Ausetalia, Melbourne Avele College Old Pupils’ Melbourne ACOPA.
O fanau ia na ave iai le faamuamua a le ACOPA Melepone, i lalo o le ta’ita’iga a le Susuga ile faafeagaiga , ia Rev Kainano.
Ma latou avatu le poloaiga, ose faamanatu i fanau nei, lo latou taua i luma o fofoga o le Atua. ma fautuaina e tumau lo latou faamoemoe.
Na saunoa ai e Rev Kainano, ile 30 tausaga o lona galue auauna, ole taimi muamua lea ua oo mai ai ise nofoaga faapenei, aemaise ai o totonu o Samoa lea o loo iai.
Ile faamatalaga faalauaitele mai le SVSG, o le asiasiga lea mai le ACOPA Melepone, o tama ua sinasina o latou ao, ua faatupu lagona ai foi i fanau laiti nei, lo latou taua ua mafai ona oo atu nei matua e faasilisii latou. Ma sami ai le feiloaiga i fiafia, o faigasiva ma pesepesega masani, e ofo atu e fanau oi le Campus of Hope , ma sa faapena foi ona tapena mai le aumalaga ma latou foi faafiafiaga, i loto o fanau.
Ole Peresetene ma le sui o le fono faufautua a le SVSG, Lototaua Palepa Solaese na momolia le faafetai ma le faamanuia ae o le faamalo ile ACOPA Melepone, ile agaga ole afea ai o fanau o taua i luga . Ma faafetaia foi ile seleni e $3,000 na tauaao mo le faaauauina ole auaunaga. E oo mai nei, o loo tausi feaua’i lava fanau, e tusa o ole 70 mai lea taimi i lea taimi, pepe -18 tausaga le matutua , tele lava o teine, talu e le’o lava se avanoa mo fanau tama, ile e iai foi le faaeteetega. Peita’i ua iai le fale mo tina sulufa’i ma latou fanau, e faatalitali ai taunuuga o latou mataupu. faapena fou i fanau. Ae oloo iai foi ma fanau, ua le toe fia foi i o latou aiga, ae o fanau ua tuulafoaina e matua, ma fanau laiti, o loo iai lagona ole faalumaina o aiga ma tausi faaauau ai lava ile lotoa. O loo faamoemoe lea foi auaunaga i tupe mai aisiga ma faalapototpoga mai fafo. ua lua tausaga sosoo talu ona tula’i mai le FAST, o avatu iai le vaega tupe , mo le taimi muamua , e tai $500, 000 tala e fesoasoani i le auaunaga. Ae o sasa ole 100 tausaga o le SCOPA, o loo faaauau ai ile vaiaso lenei.
