E ui o le putuputu o fale i totonu o le lotoa Mulivai, ae e tasi lava le maota na iloga ona aafia i le afi na sasao ane ai i le itu i sisifo o le Malumalu.
E toatele le atunuu i le sone o le taulaga o Apia, sa fai le faiva ole taumatega poo fea o loo alu atu ai le tau asuasu tele faaniu tu, mai le taulaga i Apia.
O ata na salalau o autafa ole falesa Katoliko i Mulivai, peita’i sa faamoemoe tonu lava le taunuuga o le taumatemate, pe’a uma ifo le tau asuasu.
E faitau selau ma selau le atunuu na tumutumu i lesi ituala, fesagai ma le malae i Mulivai. O loo faataunuu ai faafiafiaga o le sisigafu’a 60 tausaga a Samoa.
O le taimi tonu o faafiafiaga faaleaganuu faaSamoa lea na tupu ai lea faaletonu, ma puaina solo le manogi mea mu, i le taulaga atoa, talu o le taimi foi lea o loo malosi le agi o le la’i mai Sasa’e.
Peita’i, e fai ifo le tau asuasu ma iloa atu le maota tonu lea na afaina, ” o iina e masani ona faitau ai le sene”
Ole molimau lena ase tamaitai na i totonu o le lotoa, na ia ta’ua o iina i le “fale lena e leai ni mea tele e iai i totonu na’o laulau lava, ma nofoa, aua o iina e faitau ai le sene.”
Ole molimau lena ase tamaitai na i totonu o le lotoa, na ia ta’ua o iina i le “fale lena e leai ni mea tele e iai i totonu na’o laulau lava, ma nofoa, aua o iina e faitau ai le sene.”
Na ma’eu le vave o le gaioi a le au fuimu, FESA Fire Emmergency Services Authority. Na mafai ai ona fui ma puipuia mai le sosolo o le afi i isi maota i autafa ole fale na mu.
O le fale na mu e lotolotoi i le vaega o le lotoa i Mulivai le itu i sisifo ole Malumalu ole Katoliko Roma, e iai ma Ofisa, fogafale lua, ole faleaiga, o le Maota nofo i tua ma ofisa o loo iai ile pito lava lea i Sisifo o le Malumalu.
Na ta’ua e le tamaitai ole ‘ekalesia sai fafo, ” e le taumate se tele ole afaina pe ‘ana oo le afi i lesi fale oi tua ane, aua e iai fagu kesi o loo iai. Ina ua tatou fesiligia isi totino fai tofi o le Ekalesia na iai, ile lotoa, pau le tali, “e leiloa pe na faapefea ona tupu.”
