Ua faaalia e le afioga i le Fofoga Fetalai ole maota Li’o Papalii Taeu Masepa’u, ina ua tatou fesiligia ile laasaga ole toe foi mai ole taitai o le itu agai, ma lana failautusi ile fono a le Palemene i le masina fou.
Tuilaepa Sailele Malilegaoi ma Lealailepule Limoni Aiafi.
Saunoa Li’o, na tusi fiafia mai lava le Susuga Tuilaepa i lana tusi na avatu iai, na aloaia atu ai le faaiuga a le Faamasinoga, ae toe foi mai i o la tiute faapalemene, i le fono o lumana’i.
Saunoa Li’o, Na tali fiafia ma faamalulu mai pei o ia lava Fofoga Fetalai, e avatu iai faasea a faipule, aua sa avea ai foi ia ma Faipule, e malamalama i itu ia.
Saunoa le afioga ile Fofoga Fetalai, LI’o e leai se faaletonu o iai ile taimi nei, ae ole mataupu pei ona fesiligia ai i le totogi o faipule o taua i luga.
E amata lava ona toe totogi ile taimi na lau mai ai le iuga a le faamasinoga, pei ona iai le faaiuga a le faamasinoga, e amata ai ile aso lava lena ona le tatau ona iai se isi faalavelave i tiute faafaipule o ia tamalii.
