E amatalia le fono ile Aso 21-26 Oketopa ma ua atofa ai le vaega ole talafatai o Apia e afua mai ile Maota fono ole Palemene ma le maota Faamasino o Samoa i Mulinuu seia oo atu ile faletalimalo ole Taumeasina i Moataa e avea ma nofoaga e tapuvae tasi iai lenei tauaofaiga.
Ole aotelega ole polokalame, e iai fono e talanoaina ai tulaga tau i aia tatau ile Aso 18-19 Oketopa, sosoo ai ma le fonotaga mo Tupulaga talavou ile Aso 21 Oketopa, ole fonotaga a tamaitai, fonotaga mo tagata o malo ole taupulega, ma le fonotaga mo pisinisi.
Ona sosoo ai lea ma le tatalaina ole fono tele ile Aso 25 Oketopa. Ole togalauapiga a taitai e faatino ile Aso 26 atoa ai ma le fono a Minisita ole va-i-fafo. Ua fuafua e 37 polokalame faapitoa olea faatino ile vaiaso ole fonotaga ( special events) ma olea faatino uma ile maota faamasino i mulinuu.
