I faamaumauga ai e oo atu i le 20,405 tagata na taunuu mai i fanua ia Setema 2024.
Ma maitauina ai e le ofisa o fuainumera faamaumau, Samoa Bureau of Statistics le faaititia o tagata taunuu mo lenei masina ile 10.6 pasese, nai lo le masina i luma atu o Aokuso.
Peita’i o loo faamauina foi le faaititia i le tusa o le 1.2 pasene nai lo Setema o le 2023.
O tagata lava ia na malaga asiasi mai, ile masina lava lea o Setema e 14,536.
Ua iloa ai le oo atu i le 15.5 pasene ua faaititia ai tagata asiasi mai ia Setema faatusa ile masina i tua atu o le Aukuso.
Ae tusa o le 2.3 pasene ua faaititia ai tagata asiasi mai ia Setema 2024 faatusa ia Setema 2023.
O Niusila lava le atunuu lea e maualuga ai le tele o tagata taunuu mai I Samoa, tusa o le 6,828, pito mai ai tagata taunuu mai Ausetalia e 3,838.
Tagata taunuu mai Amerika, 1,086, Ae o Amerika Samoa e 677.
I faamaumauga masani ai, o tagata lava mai le tatou itulagi, Oceania Region o loo mafuli iai le toatele o tagata malaga mai i Samoa, 82.2 pasene, pito atu iai Amerika e 7.2 pasene, ae o tagata malaga mai Asia e 5.8 pasene, ae o tagata malaga mai Europa e na’o le 3.1 pasene.
Ma faamauina ai o loo maulauga lava Niusila, Ausetalia, Amerika Samoa, ma Amerika I Matu e iai le 85.5 pasene o tagata taunuu.
O le tele o tagata e omai I Samoa, 6, 812 e malaga mai e faimalologa ma tafafao holiday, ae 4,780 na malaga mai e asiasi mai i aiga ma uo.
Ae e iai foi latou na taunuu mai ona o malaga faapisinisi, ma fonotaga e 1,178, ae 445 na taunuu mai ona o taaloga, mo le masina faamauina o Setema 2024.
