Ua faasala ai nei e leoleo le Samoa National Lotto, i le 10afe tala, ile solia o poloaiga o faalavelave tutupu faafuasei.
Ae o ai e ana le faatonuga na mafua ai ona o leoleo e puipui le se’iina o le taaloga Lotto ile po o le Aso Toonai talu ai?
O le tatou fesili lena i le afioga i le Sui Komesina o le Matagaluega o leoleo ma Falepuipui, Auapaau Logoitino Filipo.
O lana tali mai: O lea e faia le suesuega ile taimi nei. Ole Aso Faraile na faia ai le lapataiga ile Lotto e tapuni i lalo e aua le toe tatalaina. Sa faapea ailoga e toe tatalaina i lenei vaiaso.
Ae o atu ile Aso Gafua male Aso Lua o le vaiaso lenei, o la e lava e tatala. Ma ave loa iai le faasalaga. “Ae o loo faia suesuega poo ai na faatonua leoleo,
Ua lape ai le fesootaiga, i tama na faigaluega ile aso Toonai, o lea ua fai ai le suesuega, poo ai o le matou vaega na faia le faatanaga i leoleo na o iai ile Aso Toonai.
“O loo tau faamae’a mai suesuega, mole to’alua na o ile seiina ole Lotto.
“E lua sala a le Lotto, na ave iai, $5afe tala, ile ticket. Ona o lo o faasa i lalo o poloaiga a le SOE, i lalo o le poloaiga ono, o loo faasa ai le tatalaina lea o taaloga.
E lei maua se fesootaiga ma le pulega o le Samoa National Lotto CEO Tuala Siaki Tuala.
Peita’i e oo mai ile aoauli o le Aso Lua 12 Aperila, ae faalauiloa mai le faasalalauga faalauaitele a le Loto o le’a tapunia lo latou ofisa amata atu ile Aso Lulu mo le taimi o loo iai ile Level 2.
Ma o le’a leai ai loa se loto e sei ile vaiaso lenei leai foi ma le TV Bingo.
Ile faasilasilaga o ta’ua ai, o pepa uma ole Loto , ma pepa o le tv bingo ma pepa o le ponesi ua um aona faatau, o le’a faaauau atu i lesi seiga oi luma o le lotto.
Peita’i e lei talia e le sui Komesina ile tulaga na iai leoleo i le po na sei ai le loto ile Aso Toonai talu ai, faapea o le mix up. na oo ai leoleo e vaai le seiga o le loto ile Aso Toonai.
Ole Aso Toonai lena e lua faaiuga eseese na faalauiloa ma tele ai le au le malamalama i tagata taaalo, ma oo atu ai lava i luga o fesootaiga televave faamatalaga.
Ae Aso Gafua loa faalauaitele mai le faatoesega a le Samoa National Lotto, ona o le lua o seiga eseee ole lotto talu le feseta’i na tupu, Ma ta’ua ai e le Auapaau, le oo atu foi o faasea a se vaega o tagata taaalo ile ofisa o leoleo.
