Tala tuliloa ile maliu o Tuuau Maletino ma le suesuega a le aiga o Tuuau na faia ma avatu ile ofisa o leoleo i Tuanaimato, ile 2021, o molimau le aiga, sa leiloa poo fea ua oo iai.
Ae ile toe mapuna ane nei i luga o le isi molimau mai Niusila, ma ia lagolagoina le molimau a Samuelu, ma toe tolaulau i latou uma na fesagai ile matupu lava lea.
Ua toe fafagu mai ai tiga ole lua ma le afa tausaga talu ai i lagona, o tauaiga ole atalii ua maliu.
Peitai i molimau tapena ole sueseuga tumaoti na faia e le aiga o Tuuau i Vaitele, o loo aofia uma ai lava i totonu tagata nei e to’afa ua toe agia mai ile molimau a Samuelu ma le tamalii lea ua malaga i fafo.
I faamaumauga a le aiga o Tuuau na avatu i leoleo i Tuanaimato ia Aperila ole 2021, sa le gata ina avatu ai Samuelu, ae o isi tagata sa na’o le la’u atu lava i leoleo i Tuana’imato, e faia ai le galuega faifaatasi. Sa maualuga ile aiga, le avatu ole faamoemoega ile ofisa o leoleo i Tuana’imato i lena taimi o le tiga. pei ona molimau lona tauaiga.
Peita’i ole faanoanoaga ole aiga o Tuuau, ole toe o atu o leoleo e saili atu ni faamatalaga ile tausaga talu ai, ona faapea ua leai ni faamaumauga.
O folafola mai e le Komesina o le matagaluega o leoleo, Auapaau Logoitino e nate le faamaonia molimau na tuuina atu e Samuelu, lea e tapisa ai luga o le FB.
Peita’i o lea ua lu’i faalauaitele mai nei e lesi molimau mai fafo, e mafai ona toe foi mai i Samoa e molimau, ile fana ma tagata na latou fesaga’i faatatau ile mataupu ua silia ile lua tausaga o saofafafai ai leoleo i luga o molimau.
Sa tatou tuliloa pea lenei mataupu, ae ole tali a Auapaau , o Papalii Monalisa sa faia le suesuega. ma ua i lima ole Loia sili faila.
Peita’i ua le taofiofi molimau ile umi ona faatali, ma toso, ae olea ua agiga mai le teena e le komesina o leoleo, Auapaau , molimau na nonofo ma latou.
Ma ia tuuaia ai Samuelu, e le talitonuina ana faamatalaga.
Ua fesiligia ai foi ile taimi nei le faamatuu mai e leoleo ole faila o moliga o Samuelu, na faia ile 2010, sa ono masina o falepuipui ai.. peita’i ua silia ile 10 tausaga o mama le faila o Samuelu pei ona faailoa faalauaitele e leoleo.
