E ui ua fautuaina le Matagaluega o Leoleo e saili se Loia tutoatasi, e tula’i mo le Minisita ia Olo Fiti Vaai i le faamasinoga, peita’i e manatu le Komesina o le Matagaluega o leoleo, Auapaa Logoitino Filipo: “O le mataupu lenei o loo aafia ai le Minisita, ole tilotilo a le Matagaluega e tatau ona faasee atu i le Loia Sili o latou e tatau ona agai e ave le mataupu lenei i luma o le Faamasinoga.”
Saunoa foi Auapaau, o le mataupu lea a Olo faasaga ia Tuilaepa, ua aumai le tala a le loia sili, ona o latou e avea le mataupu i luma o le faamasinoga. E iai tulaga o mea o fautua mai ai , ile matagaluega o leoleo.
O vaega o lena fautuaga i lana tali mai ina ua fesiligia e le ATA Mua/First Image News, i le vaiaso tlau ai, e aofia ai “le saili ole Loia tutoatasi e tula’i mo Olo i le faamasinoga.”
E lua mataupu na faailoa e le Komesina ile au faasalalau ile vaiaso talu ai “e tatau ona matou agai e suesue atili ”
“Pe’a uma ona toe avatu foi lea o le faila i le Loia sili. “E le’o iai se fautuaga faapea e aveese moliaga ia Tuilaepa,” pei ona saunoa Auapaau.
Taimi nei ua taga’i le Matagaluega o leoleo, pe iai se tulaga e toe teuteu ai le tulafono, ina ia aveese atu ai mataupu faapea male Ofisa o leoleo, aua o le vaai a le Ofisa e le’o se mataupu tau soligatulafono, not really a criminal matter ile talitonuga o le Komesina.
I lona talitonuga, “a faapea e tulai mai se tulaga faapea, pei o le fai e se isi o ou tala, a’e le fiafia i le tagata lea ona e alu lea e fai sau loia ae ‘aua le toe aumaia ise ofisa o leoleo, o le tulaga lena o loo tilotilo iai ile taimi lenei.”
O le libel law lea na toe aveese e le faigamalo talu ai, peit’ai na saunoa Komesina, atonu e iai foi se mafuaaga na faia ai e le pulega talu ai, ma nate iloa e iai lava mafuaaga na toe faaofi mai ai i totonu.
Ae o moliaga a leoleo ole tau faaleaga ma le faalumaluma faasaga i le Susuga a Tuilaepa, o loo tumau lava.
