E leai se faigata ona faia se suiga i le tulaga o iai nei, o le tau talosaga mai o tagatanuu Amerika Samoa ise pemita e malaga mai ai i Samoa.
Pei foi ona faia e tagatanuu Samoa e malaga atu i Samoa i Sasa’e.
Ma avea ai ose tasi o mataupu na afea i faatalanoaga ile fono lea na masii atu ai le faiga malo a le FAST i Tutuila i le vaiaso talu ai.
Afioga i le Palemia, Fiame Naomi Mataaafa , ise faatalanoaga ma le ofisa faasalalau a le malo. Peita’i o loo maitauina le sili atu ona faigata le ulufale atu a le tagata mai Samoa i Amerika Samoa ile taimi nei.
E le gata o aiaiga a le malo i Sasa’e e ao ona faamalie pei ole faasaini o le pulenuu, o le totogi, o le lafo mai o le kopi ole pemita ua faamaonia faaletulafono, ae o le latou Talofa pass, ma ona ia foi aiaiga faamalie.
Ae o saunoa manino le afioga ile Palemia Fiame Naomi Mataafa, o tulaga e mafai ona fai, ia faigofie femalagaiga i le va o Samoa e lua.
