E lima miliona tala le tino i tupe ua ofo mai e le malo o Niusila mo le toe fausia lea o le maota poo le hall a tausi soifua i Motootua.
Ua silia ma le 4 tausaga o talia pea le talosaga a Samoa tauala atu i le faigamalo ua mavae ia Niusila, mo se fesoasoani tau tupe aua le faatinoina o lenei galuega.
Aua sa faaalia e le Peresitene o le Sosaiete o tausi soifua le afioga ia Solialofi Tua’imalo Papalii Pisimaka i se tasi o tatou faatalanoaga ua leo toe saogalemu ma lelei le fale tuai o loo iai le taimi nei mo galuega faatino poo ni faatasiga a le Saosaiete.
Peitai na faaulu loa le talosaga a Samoa ia Niusila mo se fesoasoani, ma amata asu loa le palapala o le faailoga o le amatalia o lea galuega i le tausaga e 2018, ae o lea faatao tali mai Niusila.
Saunoa faalauaitele le Minisita i le fonotaga a le Palemene le afioga ia Luapitofanua Tafito Selesele ua tapena ma sauna le galuega o le toe faafou o le fale mo le Sosaiete o tausi soifua.
